அவனிடம் சொன்னேன் என்
அஞ்சுதலை, அந்த
அண்ணலே தந்து வைத்தான்
ஆறுதலை....என்று பாடிக்கொண்டே ரூம் சர்வீஸ் சாத்தன் டீயுடன் நுழைந்தான்.
கட்டிலில் இருந்த மனிதன் பக்கத்து இருக்கையில் இருந்த தலையுடன் பேசிக் கொண்டிருந்தான்.😮
தலை என்றால் அஜீத் இல்லை.
இது வெறும் தலை.😯
டேய் முண்டம்..!
சாத்தன் திடுக்கிட்டான் பேசியது வெறும் தலை..வெறும் தலைன்னா முடியில்லாத தலை இல்லை, முண்டம் இல்லாத தலை!
கட்டிலில் இருந்த உடலுடன் கூடிய மனிதன் ,
" என்னடா ?" என்றான்.
"ரெண்டு டீ போடு, ஒண்ணு வித்தவுட், ஒண்ணு டபுள்சுகர்!"
எந்த தறுதலை சொன்னதோ தெரியவில்லை. தலைக்குத் தலை அவனை நாட்டாமை செய்தனர்.
உன் பேரென்னப்பா..?
' சீத்தலை சாத்தனுங்க!"
கைகால் நடுங்க ஆரம்பித்தது.
எந்த ஊருப்பா..?
" குளித்தலை"
'எனக்கு பேட்டவாய்த்தலை'
என்னாங்கடா தலை கொழுத்து ஆடுறீங்க..! என்னா நடக்குது இங்க?!😲
'எனக்கு வித்தவுட்' என்றது வெறும் தலை.
நீயே வித்தவுட் பாடி என்று நினைத்தான் சீத்தலை.
'டீய சரியாக் குடுப்பா மாத்திறாதே..'
மாத்தலை சார்!
இரண்டு பேர் வாய்க்குள்ளும் டீ போனது.
உடம்பு தலைக்காவது வயிறு இருக்கு
வெறுந்தலைக்கு டீயா? ம்ஹ்ம்! பொருந்தலை!
உள்ளே போனடீ வயிறு இல்லாட்டியும் கீழே வரவில்லை!🤯
சீத்தலைக்கு வயிறு கலக்கி கீழே வந்துடும் போல இருந்தது.☹️
டின்னர்க்கு என்ன வேணும் சார்?
'தலைக்கறி..'
உனக்குத் தெரியுமா? எல்லாரும் வயித்துக்காக பொய் பேசுறாங்க எனக்கு வயிறே இல்லாததால பிரச்னை இல்லை..! தலையாய தத்துவம் பேசியது தலை.
அது என்..என்..என்னங்க வாயெல்லாம் ரத்தம்?
ரத்தமில்ல வெத்தலை!
அதுவும் தலையா..?! அவ்வ்..!
'சுகர் பத்தலை'
சரிங்க சார்..போடறேன்.
அப்படியே ஃபேன் சுத்தலை பாரு!
வாய் அசைவதும், குரல் வருவதும்
சீத்தலைக்கு தலை சுத்தலை தந்தது.
வாய்விட்டுக் கத்தலை அவ்வளவே.
காலி கப் எடுத்துக் கொண்டு தலை போகிற அவசரமாக வெளியேறினான்..
சீத்தலை..கதவை சாத்தலை..! என்றது எதோ ஒரு தலை உள்ளிருந்து.
தலை தெறிக்க ரிசப்ஷனுக்கு ஓடி வந்து
அந்த அறையில் நடத்ததை கூறினான்.
' சீத்தலை அதுல இருக்கறவரு ஒரு வென்ட்ரிலாக்விஸ்ட்' (ventriloquist) என்றாள் வரவேற்பாளினி.
தலை சுத்துது மேடம்..என்ன வென்ட்ரு லோகாஸ்டோ! இதை எல்லாம் தாங்கணும்னு என் தலை யெழுத்து.
கருத்துகள் இல்லை:
கருத்துரையிடுக