(சு) மாராத்தான்..!

'கொன்னுடுவேன்' னு ஒரு விரலைக் காமிச்சேன்..ஒரு பணத்துக்கு ஏலம் கேக்கறதா நெனச்சி இவள எனக்கு வித்துட்டான்! அப்படினு நாகேஷ் ஆயிரத்தில் ஒருவன்ல சொல்வார்.

அது மாதிரி புதுசா கேன்வாஸ், ட்ராக் பேண்ட்லாம் வாங்கி வாக்கிங் போவச் சொல்ல, என்னாடா கும்பல்னு வேடிக்கை பாத்தக் குத்தத்துக்கு "மராத்தான் ஓட்டம், கோவையே ஓடு!" அப்படினு ஒரு செஸ்ட் நம்பர் ஸ்டிக்கர் தந்து என் மொபைல் நம்பர் வாங்கிட்டானுங்க.( மதுர மல்லி, மதுர மல்லி..மொமண்ட்!)

நான் ரெண்டு நாளாதான்யா வாக்கிங்கே ஆரம்பிச்சிருக்கேன் அதுக்குள்ள மாராத்தானா?

நான் சுமாராத்தான் நடக்கவே செய்வேன்..?!

எப்படியோ 'நல்லவன்னு சொல்லிட்டாங்க' மோடுல மாராத்தானுக்கு பேர் தந்துட்டு நானும் ரௌடிதான் னு வீட்ல வந்து பில்ட்அப் தந்தா...... 'என்ன..? மிலிடரில சேர்ந்து கமாண்டோ ஆகப் போறீங்களா? ன்ற ரேஞ்சில வீட்டம்மா பார்வை!

ஒரு சாதனையாளன என்கரேஜ் பண்றதுல இந்த சம்முவம் எவ்வளவு பிற்போக்கா இருக்கு பாருங்க பிரண்ட்ச்?

எப்டியாச்சும் சின்னப் பகவதி தெரியுமானு கேக்ற.மாதிரி நாம்ப சின்ன Shan Karuppusamy ஆயிடலாம்னு பாத்தா.. ஒரு அவசர வேலையா மும்பை போக வேண்டி வந்துருச்சு...

ஒரு வருங்கால மராத்தான் வீரரை தமிழகம் இழக்குதேன்ற வருத்தத்தோட 

மும்பை போயாச்! 

இப்ப என்னடான்னா...நீயில்லாத மராத்தானில் நிம்மதி இல்லை னு 

இப்பிடி எஸ்.எம்.எஸ். அனுப்புறான்.

'Thanks for participating in the asian paints C10K coimbatore marathon and making it is a successful marathon. Incase if your not collected your certificate, please bring your chest number to get the same. Venue:Nehru stadium. Date 25/06/2018 to 03/07/2018. Time : 4pm to 7pm. Thanks asian paints limited.

இப்ப ஊருக்குப் போனதும் ( வீட்டுக்காரம்மா எடைக்குப் போடாம இருந்தா..) பழைய பேப்பர் நடுல இருக்குற செஸ்ட் நம்பர் கார்ட எடுத்துக்கிட்டு ஓடிப் போய் ( இப்ப மட்டும் ஓடுவியே..) 10 கி.மீ மார(டிக்க)த்தான்ஓடுனதா சர்டிபிகேட் வாங்கி இன்னொரு போஸ்ட் போடவாழ்த்துங்க பிரண்ட்ச்!