ஹிந்து என்றசொல் சிந்து நதியோரமும் அதைக் கடந்தும் வாழ்ந்த மக்களை குறிக்க பாரசீகர், அரேபியர், கிரேக்கர் பயன்படுத்திய சொல்.
அதனை இன்றைய பாக், ஆப்கன் சீன மக்களும் பயன் படுத்துகிறார்கள்.
மிகமிகப் பிற்காலத்திலேயே ஆங்கிலேயர்களால் இங்கு வழங்கிய மதங்களுக்கு ஆகுபெயராகியது.
இந்து என்றசொல் ஆங்கிலேயர் புகுத்தியது என்கிறார்கள்.
இது முன்பே பல்லாயிரம் ஆண்டுகளாக துணைக்கண்டத்தில் வாழ்ந்த மக்களை குறிக்கப் பயன்பட்டது.
பின்னர் அயல் மதங்கள் வந்ததும் இங்குள்ள நம்பிக்கைககளைக் குறிக்க இந்து என்பதை மதப்பெயராக சூட்டினர்.
முஸ்லீம் அல்லாதவரைக் குறிக்க முகலாயர் ஆண்ட வரை காபிர் என்ற சொல்லே போதுமானதாக இருந்திருக்கலாம்.
பிறகு ஆங்கிலேயர் நிர்வாக வசதிக்காக வலிமையான இரு குழுக்கள் தமக்குக் கீழ் மோதிக் கொள்வது அவசியமாகக் கருதி இருக்கலாம்.
இந்து மதம் ஒரு தொகை மதம் என்கிறார்ஜெ.மோ.
இங்கு நடைபெற்றது பிற நம்பிக்கைகளை அழித்தொழிப்பு அல்ல அரவணைப்பு. எனவே வேற்றுமைகள் தகர்த்து நிரவப் படாமல் அங்கீகரிக்கப்பட்டன. குலசாமி, வட்டார வழமைகள் அழிக்கப்படாமல் அகம் படுத்தப்பட்டன.
Integration/inclusion rather than eradication of identity was the guiding principle.
காலப்போக்கில் அறியாமையாலோ அல்லது உள் நோக்கத்துடனோ இவற்றை வேற்றுமைகள் என்று கூறுகின்றனர்.
சீனாவுக்கு இந்தியர்கள் யார் போனாலும் இந்து என்றே பேச்சு வழக்கில் குறிப்பிடப்படுவர்.
பாகிஸ்தானிலும் பேச்சுவழக்கில் இந்தியர்களை இந்து என்றே குறிப்பிடுகின்றனர்.
இந்த மரபில் தான் ஷாருக்,அமீர் எல்லாம் ஹிந்துஸ்தானி என்று முழங்குகின்றனர்.
யூதர்களின் நூல்களிலும், பழைய ஏற்பாட்டிலும் ஹீப்ரு மொழியில் இந்தியாவை ஹொட்டு என்கின்றனர்.( Hodu).
9ம் நூற்றாண்டு பாக்தாத் வரலாற்று அறிஞரான அல் மஸூதி என்பவர் இந்தியாவை Al-hind என்கிறார்.
16 ம் நூற்றாண்டில் வாழ்ந்த அக்பர் நாமா, அயினிஅக்பரி எழுதிய அபுல்ஃபசல்இந்த நாட்டை ஹிந்துஸ்தான் என்றே குறிப்பிடுகிறார்.
பலவடிவங்களில் இறைவனைக்காணும் பக்குவமே இந்துமதம் என திலகர் கூறியுள்ளார்.
"ஒருநாமம் ஓருருவம்ஏதுமிலார்க்கு ஓராயிரம் திருநாமம் பாடி தெள்ளேணம் கொட்டேமோ" என்று திருவாசகம் கூறும்.
பின் அரசியல் காரணங்களுக்காக அது மக்கள் கூட்டத்துக்கான காரணியாயிற்று.
("தாளாளன் என்பான் கடன்படா வாழ்பவன்
வேளாளன் என்பான் விருந்து இருக்க உண்ணாதான்
கோளாளன் என்பான் மறவாதான் இம்மூவர்
கேளாக வாழ்தல் இனிது."
இந்த திரிகடுகப்பாடல் தாளாளன் என்பவன் கடன்படாமல் வாழ்பவன் என்கிறது..ஆனால் நாம் கோடிக்கணக்கில் கடன் பட்டு பள்ளிகல்லூரிகட்டியவர்களைத் தாளாளர் என்கிறோம்.
வேளாளன் என்பவனை ஒரு சாதிப் பெயர்ஆக்கி விட்டோம்..
தாளாற்றித் தந்த பொருளெல்லாந் தக்கார்க்கு
வேளாண்மை செய்தற் பொருட்டு
(அதிகாரம்:ஒப்புரவறிதல் குறள் எண்:212 )
தாள்-முயற்சி; ஆற்றி-செய்து; தந்த-ஈட்டிய; பொருள்-சொத்து; எல்லாம்-அனைத்தும்; தக்கார்க்கு-தகுதியுடையவர்க்கு; வேளாண்மை-உதவி; செய்தற்பொருட்டு-செய்வதற்காக.
இங்கு தாளாளன்என்பது சுயமுயற்சியாளன் என்றபொருளிலும், வேளாண்மைஎன்பது பயன் கருதா உதவி என்ற வருகிறது.
இது போலத் தமிழிலேயே காலத்துக்காலம் சொற்கள் பாவிக்கப்படும் நோக்கம்/ பொருள் மாறுகிறது.)
இந்து என்பது ஒரு மதமல்ல..வெள்ளையன் உருவாக்கினான்..என்று பேசுவதற்கு சிந்தனையாளர்கள் உடன்பட மாட்டார்கள்.
1.இஸ்லாமிய வரலாற்றிலும் அதற்கு முன்னரும் ஹிந்த் என்றசொல் உள்ளது.
2.சீனர்களும் இன்றுவரை இந்தியர்களை இந்தூ என்றே குறிக்கிறார்கள்.
3. இந்தியர்கள் எல்லோரும் இந்நாள்/ முன்னாள் இந்து என்ற வாதத்தை நான் வரவேற்கவில்லை. ஆனால் ஜெய்ஹிந்து என்பது மதரீதியான கோஷம் என்பது அறியாதார் வாதம்..
4.கஜினி முகமதுவின் அரசிலிருந்த வரலாற்று அறிஞரான அல்பரூனி எழுதிய இந்திய வரலாற்று நூலின் பெயர் "கிதாப் உல் ஹிந்த்".
வட மதுரையில் முழங்கினாலும் தென் மதுரையில் முழங்கினாலும்
அறிஞர்க்கு அழகு கற்றுணர்ந்து அடங்கல்.
கருத்துகள் இல்லை:
கருத்துரையிடுக